糯米雞
-
03 | 英倫新丁煮婦 @ 鮑魚糯米雞 Abalone Sticky Rice Chicken
以前喺香港，飲茶真係一件好平常嘅事。 星期六日，一家人去酒樓飲茶，蝦餃、燒賣、叉燒包、糯米雞，食來食去都係嗰幾款點心，但偏偏就食極都唔厭。 離開香港之後，先發現原來點心都可以變成「奢侈品」。 馬來西亞飲茶都仲算平，但英國同美國就真係唔同講法。一籠燒賣隨時要接近五英鎊，換返做港幣都夠喺香港食兩三籠。 於是，自從移居海外之後，我開始奉行一個原則： 想食咩，就自己學整。 網上有食譜、有影片，慢慢摸索，竟然發現好多以前以為好難整嘅食物，其實都可以喺屋企完成。 點心，自然亦不例外。 雖然未必做到酒樓師傅嗰種百分之一百嘅味道，但如果有八、九成相似，其實已經足夠令人心滿意足。 今次挑戰嘅，係我家Jason最鍾意嘅點心之一——糯米雞。 糯米雞嘅靈魂，當然係糯米。 除此之外，仲要有雞肉（我用雞髀肉）、冬菇同臘腸。至於自己食嘛，加隻鮑魚落去都唔算太過份啫！ 最近我仲將配方升級，多加咗肉碎做餡料。 結果每一隻都份量十足，打開荷葉嗰刻香氣四溢，糯米吸晒肉汁同冬菇香味，再加埋鮑魚，真係非常滿足。 老實講，而家自己整嘅版本，餡料仲多過好多酒樓賣嘅糯米雞。 食完一隻，基本上已經飽晒。 有時諗返轉頭，移民生活雖然令我離開咗熟悉嘅地方，但亦因為咁，學識咗好多以前唔會做嘅事情。 例如包糯米雞。 原來有啲味道，即使離開咗香港，都可以自己親手包返出嚟。🍳 New Home Cook in Britain | Abalone Sticky Rice Chicken Back in Hong Kong, Dim sum was simply part of everyday… Continue reading
-
02 | 英倫新丁煮婦 @ 乳豬無得輸 Roast Suckling Pig Never Fails
因為朋友們一齊開生日會，壽星公點名想食乳豬同乳鴿。剛好上次端午節包糭時仲有剩下一些糯米，我就提議不如再整埋糯米雞。 於是，由星期四開始準備乳豬，先幫佢沖涼解凍。本身隻豬已經處理得幾乾淨，所以簡單清潔後，便把預先調好的醃料均勻塗在裡面，再放入雪櫃風乾。星期五繼續醃製，琴日開始準備糯米雞材料。 今日知道時間唔多，所以朝早九點起身，飲完一杯醒神咖啡後，十點正式開工，一直忙到傍晚六點半。 蒸糯米、包糯米雞、焗乳豬、炸乳鴿，幾乎一刻都冇停過。由於蒸爐同焗爐長時間運作，加上英國今個星期正值熱浪，屋企溫度直線上升，熱到我一路做一路流汗，感覺自己好似置身桑拿房一樣。 不過，當見到大家食得開心，一切辛苦都值得了。 好在朋友們都話隻乳豬皮脆肉嫩，肉汁豐富（Juicy），令我更加相信乳豬已經慢慢成為我嘅招牌菜之一。 大家一邊食，一邊傾偈，講下幾時返香港探屋企人，分享近況同生活點滴。呢種熱熱鬧鬧圍埋一齊食飯嘅感覺，其實比食物本身更加珍貴。 食完壽包之後，大家都差不多準備回家。畢竟今日係星期日，明天仲要返工返學，所以不能玩得太夜。 感謝大家賞面，把乳豬幾乎食得清光。我仲整咗一大批糯米雞，除咗今晚食咗幾隻之外，每個家庭都可以帶兩隻返屋企慢慢歎。 而且，我可以非常有信心地講一句：呢批糯米雞，真係超級足料。 有時幸福其實好簡單。唔一定係大餐廳，亦唔一定係特別節日。一班朋友，一張飯枱，一頓用心準備嘅晚餐，就已經足夠。 我此土安穩。❤️🌿 Jackie’s Kitchen in England | Roast Suckling Pig Never Fails For a joint birthday gathering with friends, the birthday star requested roast suckling pig and crispy pigeon. Since… Continue reading
我此土安穩 | At Home Wherever I Am 