短短一星期嘅日本旅程，轉眼就來到最後一日。 今次旅行其中一件令我最開心嘅事，就係Mary姐同Chuck有機會加深認識。雖然大家語言不通，但佢哋會用Google Translate傾偈，有講有笑。❤️ 睇住佢哋，我更加感受到——原來溝通最重要嘅，並唔係大家識唔識講同一種語言，而係有冇一顆願意了解對方嘅心。只要大家有心，語言從來都唔係大問題。 我亦已經好耐冇同Mary姐一齊去旅行。今次見到佢同大家相處得咁開心，我心裏面都覺得特別高興。🥰 旅程中，我哋仲一齊經歷咗一件非常難忘嘅事——地震！ 記得喺去完富士山一日遊嗰一晚，瞓到半夜，突然聽到電話警報大聲響起。我最初仲以為係Chuck較咗一個非常嘈吵嘅鬧鐘聲，細心一聽，原來係不停講： 「Earthquake! Earthquake!」 大約半分鐘之後，我瞓喺床上開始感覺到成張床都喺度搖。大概搖咗十幾至二十秒，之後就停咗。 我立即走去窗口望吓，見到街上一切正常，但走廊就傳來一陣嘈吵聲。於是我打開門睇吓，見到有個男人啱啱拎住一大袋超級市場買返嚟嘅嘢，行出𨋢再返入房。 我心諗：「佢仲可以咁淡定去買嘢，應該冇事啩！」😂 於是我又返入房，繼續瞓覺。😴 隔咗幾日，有朋友問我哋地震有冇受到影響。我話：「搖完之後，我哋又繼續瞓囉！」 朋友聽完即刻笑我哋，話遇到地震之後，應該第一時間留意官方消息、酒店廣播同逃生指示，而唔係乜都唔理就繼續瞓。🤣 我嗰刻先知道，原來我哋真係太「大安旨意」！ 我仲問佢：「咁震到咩程度先需要特別小心？」 佢話如果震到屋內物品跌落嚟，就更加要保護好自己，遠離玻璃同容易倒塌嘅物件，並按照官方或酒店職員指示行動，千祈唔好搭𨋢或者慌忙亂跑。 今次真係好彩，有驚無險，亦令我哋學識咗寶貴嘅一課。 旅程最後一日，我哋喺日本租咗一張輪椅，方便大家周圍去，令我哋可以輕鬆探索更多新奇有趣嘅地方。回程返香港時，機場亦已經安排好輪椅等候，令我哋可以好順利、好快咁過關、攞行李，再平安返屋企。 今次旅程雖然只有短短一星期，但就有好多特別嘅經歷——有歡笑、有感動、有地震，亦有家人之間更加深嘅了解，令這趟旅程變得格外難忘。❤️ 時間過得真係好快。 原本Chuck打算我哋嘅Honeymoon去意大利，但經過今次旅程之後，佢竟然改變咗主意！ 佢話想將Honeymoon變成一次「家族大旅行」，同家人一齊再去日本玩。🇯🇵✈️ 我聽完當然舉腳贊成啦！🙋🏻‍♀️🙋🏻‍♀️ 因為對我嚟講，蜜月唔一定只係兩個人嘅浪漫旅行。能夠同自己最愛嘅人、最重要嘅家人一齊出發，一齊食、一齊玩、一齊笑，製造更多共同回憶，都係另一種幸福。 我一直都喜歡一家人去旅行——人多熱鬧，笑聲更多，回憶亦更加豐富。 期待下一次，我哋一家人再次出發！❤️ 35|🇯🇵 Japan Trip | Final Day: Back to Hong Kong Our one-week… Continue reading

第五站來到 河口湖。🗻🌿 河口湖是「富士五湖」之一，亦是欣賞富士山最受歡迎的地方之一。湖邊四季都有不同景色，春天有櫻花、初夏有薰衣草，夏天亦有各式各樣的花盛開；如果天氣夠清朗，還可以看到富士山倒映在湖面的「逆富士」。 今日富士山依然害羞地躲在雲後面 😂，不過河口湖本身已經好靚。 湖邊種滿不同顏色的花，粉紅、黃色、紫色……一路行一路影相，配上湖景和遠山，夏天的感覺滿滿。🌸🌼 來到這裡當然又要食！😆今次試了很特別的 花味雪糕 🌸🍦，連雪糕的顏色都好夢幻，粉粉紫紫，再配黑色雪糕筒，未食已經要影相先！📸 一邊食雪糕、一邊賞花、一邊望住河口湖，簡簡單單已經好舒服。 湖邊還看到一座 「富士山の集いモニュメント」，以富士山為造型，亦令這個地方多了一個有趣的小地標。🗻 今日雖然未能看到完整的富士山，但有湖、有花、有雪糕，旅行有時就是這樣——不一定要看到最完美的風景，開開心心享受當下已經足夠。❤️ 32|🌸 Mt. Fuji Trip | Fifth Stop: Lake Kawaguchi Our fifth stop was Lake Kawaguchi. 🗻🌿 Lake Kawaguchi is one of the Fuji Five Lakes and also… Continue reading