香港
-
09 | 菜苗趣事 @ 抽唔中 Celebrating Before the Draw
寫於2018年5月25日 | 香港 有一晚，菜苗好開心咁同婆婆講： 菜：「婆婆！今年學校暑期活動我抽唔中田徑呀！」 婆：「哦？咁你點知抽唔中呀？」 菜（滿臉笑容）：「因為到而家都未收到通知囉！」 跟住仲拍手歡呼：👏🏻👏🏻👏🏻👏🏻 「咁即係唔使跑啦！」 婆婆聽完只係「哦～」咗一聲。 🎈問題係…… 學校根本仲未派暑期活動報名表。 即係連報名都未開始，更加未抽籤， 而菜苗已經自行宣布： 🏆 成功落選田徑隊。 🤣🤣🤣🤣 佢由細到大都對運動有自己一套獨特理解。 別人參加比賽想攞第一，佢就希望連起跑線都唔使企。 其實運動真係對身體好㗎…… 不過對菜苗嚟講， 唔使跑可能對心情更加好。 😂 Jason’s Funny Moments (120) | Celebrating Before the Draw Written on May 25, 2018 · Hong Kong… Continue reading
-
08 | 菜苗趣事 @ 運動會 Sports Day
寫於2018年10月5日 | 香港 小學一年一度的運動會又到了。自小運動細胞近乎零的菜苗，原來對運動會有另一番體會。 👩 媽：今日比賽跑第幾呀？ 👦 菜：跑第尾，因為唔想再跑第二次。 👩 媽：車～咩理論啊～😂😂😂😂 👦 菜：唔想再落去跑呀，因為你比咗好多小食我，我想坐喺看台上面食嘢。 👩 媽：唔係嘛～～～ 👦 菜：我又唔鍾意運動，我已經跑第尾，唔使再跑，又可以坐喺上面，仲有一大袋嘢食，都唔知幾開心呀！ 聽完佢呢番理論，我竟然一時間無言以對。 對其他同學嚟講，運動會可能係爭取獎牌、爭取名次嘅日子；但對菜苗嚟講，重點似乎係—— 成功取得看台最佳觀賽位置，以及享受媽咪準備嘅零食。 🤣 08 | Jason’s Funny Stories | Sports Day Written on October 5, 2018 · Hong Kong It was the school’s… Continue reading
-
06 | 最有福氣的揮春 The Most Blessed Spring Couplets
原文寫於 2016年1月26日 | 香港 每逢新年，我家都有一個指定動作——貼揮春。無論字寫得靚唔靚，都希望新一年有個好開始，事事順景、平平安安。不過，六歲菜苗寫的揮春就真係特別過人，而且仲特別有「福」氣。 直到今年再翻出來看，我仍然忍不住笑了出來。 自小他的中文字就寫得像打交一樣，龍飛鳳舞得連我都要研究一陣先睇得明。有時功課更會因為字體太潦草，被老師要求重做。 後來我慢慢諗到一個方法。如果功課沒有因為字體問題被老師退回來重做，就可以得到一個印仔；儲夠二十個印仔，就可以換一份小禮物。這個方法原來幾有效。 有時教小朋友，既想他進步，又不想傷感情，的確要花一點心思去引導。相比之下，中文一直是最難教的一科；反而英文和數學，我幾乎從來沒有陪他溫習，他很多時候都自己處理，而且成績一直不錯。 回頭看，或許這些小小的特質，早已悄悄為他日後到外國讀書鋪路；而我，也在不知不覺間，走上了屬於自己的「孟母三遷」之路。當年未必明白，今天回頭看，原來很多事情早已有了伏筆。但無論搬過多少地方，做過多少決定，有一件事我從來沒有後悔過。那就是成為你的媽媽。為了你，一切都值得。 感恩你是我的兒子，也感恩你讓我有福氣做你的媽媽。❤️🌿 06 | The Most Blessed Spring Couplets Originally written on January 26, 2016 | Hong Kong One thing we always do before Chinese New Year is put up spring couplets.No… Continue reading
-
03 | 英倫新丁煮婦 @ 鮑魚糯米雞 Abalone Sticky Rice Chicken
以前喺香港，飲茶真係一件好平常嘅事。 星期六日，一家人去酒樓飲茶，蝦餃、燒賣、叉燒包、糯米雞，食來食去都係嗰幾款點心，但偏偏就食極都唔厭。 離開香港之後，先發現原來點心都可以變成「奢侈品」。 馬來西亞飲茶都仲算平，但英國同美國就真係唔同講法。一籠燒賣隨時要接近五英鎊，換返做港幣都夠喺香港食兩三籠。 於是，自從移居海外之後，我開始奉行一個原則： 想食咩，就自己學整。 網上有食譜、有影片，慢慢摸索，竟然發現好多以前以為好難整嘅食物，其實都可以喺屋企完成。 點心，自然亦不例外。 雖然未必做到酒樓師傅嗰種百分之一百嘅味道，但如果有八、九成相似，其實已經足夠令人心滿意足。 今次挑戰嘅，係我家Jason最鍾意嘅點心之一——糯米雞。 糯米雞嘅靈魂，當然係糯米。 除此之外，仲要有雞肉（我用雞髀肉）、冬菇同臘腸。至於自己食嘛，加隻鮑魚落去都唔算太過份啫！ 最近我仲將配方升級，多加咗肉碎做餡料。 結果每一隻都份量十足，打開荷葉嗰刻香氣四溢，糯米吸晒肉汁同冬菇香味，再加埋鮑魚，真係非常滿足。 老實講，而家自己整嘅版本，餡料仲多過好多酒樓賣嘅糯米雞。 食完一隻，基本上已經飽晒。 有時諗返轉頭，移民生活雖然令我離開咗熟悉嘅地方，但亦因為咁，學識咗好多以前唔會做嘅事情。 例如包糯米雞。 原來有啲味道，即使離開咗香港，都可以自己親手包返出嚟。🍳 New Home Cook in Britain | Abalone Sticky Rice Chicken Back in Hong Kong, Dim sum was simply part of everyday… Continue reading
我此土安穩 | At Home Wherever I Am 