Latest Posts
-
26|時間不等人Time waits for no one
時間不等人。趁還有時間，趁還有氣力，玩得就玩，食得就食，見得就見。想去的地方就去，想見的人就見。 人生沒有太多『等遲啲先』，珍惜眼前，珍惜身邊的人，好好享受每一個當下。 活在當下，就是對生命最好的珍惜。 ❤️ 25|Time waits for no one. While we still have the time and energy,travel when we can,eat what we love,and see the people we care about. Go to the places we want to go,and spend time with… Continue reading
-
25|🦑 捉住 Chok 魷魚季尾巴
今次終於俾我哋捉住 Chok 魷魚季嘅尾巴！🦑😆 Chok 魷魚唔需要魚餌，只係用八爪勾放落海，然後不停咁 Chok、Chok、Chok！成船大約40人，最後都有一大盤成果，算係非常不錯！ 最好玩其實係成個過程，船上不時傳來一陣陣驚喜嘅歡呼聲： 「我釣到啦！」「我又有呀！」「終於有啦！」🤣 歡呼聲此起彼落，真係好有氣氛！ 我最後 Chok 到3條 🦑🦑🦑Jason原本有4條，可惜其中一條拉上嚟途中走甩咗 😂最後大家一齊分享即釣嘅新鮮魷魚，真係特別鮮甜美味！ 以前喺香港，我哋耐唔耐都會租船出去 Chok 魷魚。記得旺季嗰陣真係好誇張，有時一 Chok 可以 兩條一齊上，我亦試過一個人一晚 Chok 到 30條！😆 Chok 魷魚就係咁——未有嗰陣就不停話「幾時先有呀？」一有上嚟就想再有一條！🤣 真係會 Chok 上癮㗎！🦑🦑🦑 西貢生記chok尤魚 25|🦑 Catching the Tail End of Squid Season We just managed… Continue reading
-
24|K-1/2又向前一步 K-1/2 | One Step Closer
今天，終於收到期待已久的消息——我們的 K-1 / K-2 申請正式建立檔案，也有 Case Number 了。 看到這個 Number 的一刻，真的有一種：「好，今次終於正式開始了。」的感覺。 其實這份申請並不是第一次寄出。 上一次，我們已經把整套申請文件準備好寄到移民局，原本以為接下來就是等待收件和審批，怎料等了很久，申請費一直沒有被扣除，也遲遲沒有收到收件通知。 後來 Chuck 終於收到整份退回來的申請，才知道原來問題出在付款方式。我們用了不再接受的私人支票，所以整份申請被退回，需要重新處理付款授權後再寄一次。 知道原因後，反而沒有之前那麼不安。 至少我們知道問題在哪裡，也知道應該怎樣處理。 Chuck 很快重新準備好付款表格，再次把整套文件寄出去。這一次，移民局的處理速度比我們想像中快很多——申請費很快成功扣款，現在亦正式建立檔案，收到屬於我們的 Case Number。 雖然只是整個 K-1 / K-2 過程中的第一步，但對我們來說，已經是一個很值得開心的小里程碑。 因為從這一刻開始，我們不再只是「把申請寄出去」，而是正式進入移民局的系統，開始等待下一階段的審批。 Chuck 很開心，我的家人知道後也替我們高興。 大家都知道，這條路不會一下子走完。前面還有審批、NVC、簽證申請、體檢、面試……一關又一關。 但人生很多事情，本來就不是一步到終點。 只要今天比昨天再向前一步，就已經很好。 而今天早上，Chuck 跟我說了一句話： “You are the only woman… Continue reading
-
23|身體追數了My Body Says, “Pay Up!”
醫生話我呢啲叫「積勞成疾」😅即係個身體終於忍唔住，正式向我投訴啦！🤣 條頸硬到好似石頭咁，膊頭又傷，仲加埋肩周炎。最慘係有時夜晚痛到瞓唔到，隻手擺左又唔係、擺右又唔係，真係連瞓覺都要研究姿勢。😂 返到香港，Mary介紹咗一位中醫俾我，佢話自己之前都有肩周炎，睇完之後醫好咗，所以我都決定試下。 今日針灸＋拔罐齊齊上陣！😆本來見到啲針都有少少驚，點知做完真係舒服好多，條頸同膊頭都鬆返唔少。❤️🩹 諗返以前，成日掛住照顧身邊嘅人、處理大大小小嘅事情，自己永遠排最後。點知個身體原來全部有記錄低，儲儲埋埋，今日一次過同我「追數」！🤣 年紀大咗真係要認真學識錫自己多一點。❤️身體健康，先有力氣繼續食、繼續玩、繼續去旅行，仲有大把嘢等住我去做！💪🏻✈️ 所以由今日開始——保養唔可以淨係保養塊面，個人都要保養吓先得！🤣❤️ 23|My Body Says, “Pay Up!” The doctor told me this is what happens when years of tiredness and stress finally catch up with you. 😅Basically, my body has finally had enough and decided… Continue reading
-
22|🇰🇷 38°C 韓服大挑戰|38°C Hanbok Challenge
估唔到韓國今個星期剛好都遇上熱浪，今日氣溫高達 38°C，而我哋竟然選擇喺今日挑戰——著韓國傳統服影相！🤣 真係熱到想跳舞！☀️🥵 好彩沿途都有一啲樹蔭位，我哋不斷左閃右避，一有陰涼地方就即刻走過去避暑。攝影師都知道我哋頂唔順，快快手幫我哋影個人照同合照。 不過難得嚟到韓國影一次韓服相，當然係有咁靚就著咁靚啦！ 😆💕熱還熱，影相都係要靚嘅！📸 最搞笑係 Mary 姐，影完換返自己衫嗰一刻，簡直好似「大解脫」一樣！🤣 原來佢裡面件衫已經成件濕晒，今次真係用汗水換返嚟嘅靚相！ 影完相，我哋三個第一時間去附近 Café 飲杯凍飲降溫。🧊🥤 坐夠、涼夠、回返啖氣之後，先再 Call Uber 去漁市場食晚餐。 去到漁市場就即買即煮，今餐真係非常豐富！第一次見到同食到拳頭咁大隻嘅帶子，亦係第一次試魔鬼魚，當然仲少不了魚生。🐟🦪 真係食到非常滿足！ 食完晚餐返酒店之前，竟然仲未完！🤣經過樓下啲小攤檔，又買咗蒜蓉包、冰糖水果，再加三杯果汁拎返酒店，完全係一路食到返房！ 今日 38°C 韓服大挑戰——成功！✌️🇰🇷 而返到酒店第一件事，唔係整理相、唔係食宵夜…… 係即刻沖返個涼先！🚿🤣 22|🇰🇷 38°C Hanbok Challenge | A Day So Hot We Could Dance 😂 Korea just… Continue reading
-
21| 羅馬浴場Roman Baths
這是英國旅程最後一站 第二天，我哋主要去參觀 Roman Baths 羅馬浴場。由巨石陣揸車過去大約只需一個鐘，今次好幸運，順利泊到公眾停車場，由停車場行去浴場大約十五分鐘左右。 由於 Choco 唔可以入內參觀，所以我哋只好同 Jason Daddy 前後腳輪流入去，始終要有人留喺外面照顧 Choco 🐶。 入到浴場後，我哋冇借翻譯機，只係跟住人群慢慢行、慢慢參觀。原來當年嘅建築同環境保存得幾完整，令人可以想像到古羅馬時代人們喺呢度浸浴、社交同生活嘅情景。 當然，最吸引嘅一定係當年嘅大浴池！不過……啲水睇落真係有啲污糟 😱 Jason 仲話：「啲水完全唔郁㗎！」好在而家已經唔會有人落去浸浴，否則我諗我都未必夠膽落水 🤣 我哋沿住樓梯行到地面時，見到有一班人喺其中一道窗前影相，好奇之下，我哋又走過去望吓。原來另一邊有一個細小嘅浴池，仲可以見到真正嘅溫泉水不斷湧出來！泉水睇落非常清澈，起碼冇垃圾浮喺水面 😆 展覽入面仲見到浴場嘅泥沙，據說以前有人相信呢啲泥可以醫治皮膚病 🤪，另外仲有關於「詛咒」嘅傳說。原來古羅馬人如果畀人偷咗嘢，會寫低詛咒內容，交畀神明，希望神明懲罰小偷。整個浴場除咗有歷史感，仲帶住一點神秘色彩，真係幾特別！ 到 Jason Daddy 入去參觀時，我同 Jason 就喺外面嘅公眾廣場坐低休息，等 Choco 自由行吓、周圍探索。 Choco 真係一位「親善大使」🐶💕，幾乎成日都有人主動走過嚟同佢玩、摸吓佢、同佢影相。如果每一個過嚟撩佢玩嘅人畀我哋 £1，我諗我哋已經可以食一餐非常豐富嘅晚餐啦 😂 佢真係人見人愛！ 差唔多下午四點，我哋就開始揸車前往倫敦，準備過英國旅程嘅最後一晚。因為第二日，我哋就正式返香港放暑假啦 ✈️🇭🇰 而 Choco… Continue reading
-
20|暑假回港前的小旅行 A Little Summer Getaway Before Our Trip Back to Hong Kong
終於放暑假啦！今年我哋選擇返香港探親，亦想趁機帶 Jason 再去一次佢細個時經常去嘅地方行吓。原來佢已經有 4 年冇返過香港，相信今次會有好多不一樣嘅感受同回憶。 今次旅程亦係我哋同 Jason 爸爸最後一次短途旅行。九月之後，佢就會返香港生活，所以今次特別珍惜大家一齊相處嘅時間。 而今次仲有一位特別興奮嘅新旅伴——Choco 🐶💕呢個係佢第一次出門旅行，全程開心到非常亢奮，真係笑死人！😆 Jason 一放學，我哋就把握時間，先去市中心食 琦興茶餐廳。因為之前見網上好多人都話好食，所以今次特登去試吓。 我仲介紹佢哋食乾炒牛河！真係好難得可以喺英國食到有「鑊氣」嘅乾炒牛河，大家食完都讚不絕口。😋 至於 Choco，見到我哋食得咁開心，仲以為自己都有份，所以興奮到不得了！我同 Jason 只好夾住佢坐，驚佢突然衝去搶食 😂 最後，當佢終於明白自己冇得食人類食物後，就失望地伏喺我身邊。見到佢個樣咁可憐，我唯有畀少少狗零食氹返佢開心啦～🐾 食完飯，我揸咗大約 3 個鐘車，終於到達巨石陣附近嘅酒店。酒店位置非常方便，而且只需要加 £25，就可以帶埋小狗一齊入住，對我哋嚟講真係好方便！ 放低行李後，我哋就即刻帶埋 Choco 去巨石陣。 出發前，大家都做足功課：我問咗 ChatGPT，Jason Daddy 就問咗同事，大家都話其實唔一定要買票入場，只要喺外圍影相，已經足夠欣賞巨石陣嘅壯觀景色；除非真係好想近距離睇清楚石頭上嘅紋理啦 😆 我哋去到巨石陣時已經大約晚上 6:30，好彩係夏天，天色仲好光。 我哋沿住條路慢慢揸去外圍，見到附近已經泊咗好多露營車。相信有部分人真係嚟露營，但亦有部分人可能係以露營車為家，長期喺呢度生活。因為有啲車睇落已經泊咗好耐，好明顯係有人長住喺度。 Choco 一落車就即刻勁興奮！🐶💨佢好似一隻牛咁，拉住我哋不停向前跑，完全感受到佢對第一次旅行嘅熱情！🤣 我哋沿住旁邊嘅小路慢慢行入巨石陣。途中見到地上有幾個小圓圈，好奇之下我又問咗 AI。 原來喺好耐以前，呢啲位置曾經有樹生長。當樹倒下之後，地上留下咗樹坑，而考古學家可以透過坑內嘅泥土同其他資料，推測當時嘅環境。所以之後就喺原來嘅位置留下記號。… Continue reading
-
19｜小魚．大魚．海豚 🐬
上緊英文堂時，突然被級別主任老師叫咗出去。 原來係因為整體成績優異，獲得學校頒發獎勵。🏆 作為媽媽，真係好開心。 我一直記得幼稚園老師曾經同我講過一句說話： 「你想佢成為大海中嘅一條小魚，定係河塘中嘅一條大魚？」 而今日，你已成為一隻有方向、有目標、有能力面對大海嘅海豚。🐬 Jason 一直都好清楚自己嘅強項同弱項，所以會為自己定下目標。 原本佢話今個暑假唔溫書，點知 Mock 成績派咗之後，今日出發返香港前，自己靜靜拎咗幾本書放入書包，準備暑假溫習。 呢一刻，我知道唔需要我催促。 因為真正推動佢前進嘅，已經係佢自己。 祈願你喺 GCSE 考試發揮應有水準，考到自己期望嘅成績。 我知道，你唔單止想自己做好，仲想陪伴身邊嘅同學，一齊努力、一齊迎戰、一齊成長。 成績固然重要，但擁有自律、有目標，並願意陪伴別人一同前行嘅心，先係最珍貴嘅收穫。 媽媽永遠以你為榮。❤️ 19 | Small Fish. Big Fish. Dolphin. 🐬 During his English lesson today, Jason was suddenly called out of class by… Continue reading
-
18| Year 10 Mock Exams｜努力，比成績更重要
今天收到了 Jason 的 Year 10 Mock Exam 成績。 作為媽媽，我開心的不只是看到一個個漂亮的分數，而是看到這一年來他的努力、堅持和成長。 這次模擬考，他取得了 4 科 Grade 9，多個 Grade 8，所有科目的學習態度（Approach to Learning）都獲得 Excellent，全年出席率更達到 100%。這些成績固然令人鼓舞，但我更珍惜的是老師對他學習態度的肯定。 我一直相信，成績可以反映一個階段的努力，但真正決定一個人未來的，是他的品格、責任感，以及願意持續學習的態度。 過去幾年，我們經歷了不少人生上的改變。搬到英國、重新適應新的生活和教育制度，再面對家庭的轉變，每一步都不容易。能夠看到 Jason 一直保持善良、自律和積極，我比任何一張成績表都更加欣慰。 我亦十分感謝 Plantsbrook School 每一位老師的悉心教導和鼓勵，讓 Jason 在知識和品格上都不斷成長。 Year 10 已經完成，接下來就是最後一年 GCSE 的挑戰。希望他保持這份熱愛學習的心，勇敢迎接每一次挑戰，無論將來身在英國、美國，還是世界任何地方，都能成為一個善良、有責任感、願意幫助別人的人。 成績只是人生的一部分。 真正的成功，是每天都比昨天的自己進步一點點。 Jason，媽媽以你為榮。❤️📚 18|Year 10… Continue reading
-
17 | 瘋狂60天 60 Crazy Days
( 原文寫於2022年6月23日｜馬來西亞 ) 🤪🤪🤪 瘋狂60天 由決定移居英國，到真正踏足英國，一切竟然只用了短短60天。 現在回想起來，那60天，就像按下了人生的快轉鍵。 辦文件、收拾行李、安排船運、退租交屋、替 Choco 找人照顧、尋找英國住處、聯絡學校、準備各種大小事情…… 每天都有做不完的事。 期待與不安並存，興奮和疲累交錯。 每天一睜開眼，腦海裡已經是一長串待辦事項。 現在回頭看，那60天雖然忙得幾乎喘不過氣，卻也是人生中最勇敢、最難忘的一段旅程。 因為，就是那60天，把我們帶到了另一個人生階段。 有時候，人生最大的改變，真的只需要一個決定，和一點勇氣。🌿 17 | 60 Crazy Days Originally written on 23 June 2022 | Malaysia 🤪🤪🤪 60 Crazy Days From deciding to move to the UK… Continue reading
