Latest Posts
-
20|暑假回港前的小旅行 A Little Summer Getaway Before Our Trip Back to Hong Kong
終於放暑假啦！今年我哋選擇返香港探親，亦想趁機帶 Jason 再去一次佢細個時經常去嘅地方行吓。原來佢已經有 4 年冇返過香港，相信今次會有好多不一樣嘅感受同回憶。 今次旅程亦係我哋同 Jason 爸爸最後一次短途旅行。九月之後，佢就會返香港生活，所以今次特別珍惜大家一齊相處嘅時間。 而今次仲有一位特別興奮嘅新旅伴——Choco 🐶💕呢個係佢第一次出門旅行，全程開心到非常亢奮，真係笑死人！😆 Jason 一放學，我哋就把握時間，先去市中心食 琦興茶餐廳。因為之前見網上好多人都話好食，所以今次特登去試吓。 我仲介紹佢哋食乾炒牛河！真係好難得可以喺英國食到有「鑊氣」嘅乾炒牛河，大家食完都讚不絕口。😋 至於 Choco，見到我哋食得咁開心，仲以為自己都有份，所以興奮到不得了！我同 Jason 只好夾住佢坐，驚佢突然衝去搶食 😂 最後，當佢終於明白自己冇得食人類食物後，就失望地伏喺我身邊。見到佢個樣咁可憐，我唯有畀少少狗零食氹返佢開心啦～🐾 食完飯，我揸咗大約 3 個鐘車，終於到達巨石陣附近嘅酒店。酒店位置非常方便，而且只需要加 £25，就可以帶埋小狗一齊入住，對我哋嚟講真係好方便！ 放低行李後，我哋就即刻帶埋 Choco 去巨石陣。 出發前，大家都做足功課：我問咗 ChatGPT，Jason Daddy 就問咗同事，大家都話其實唔一定要買票入場，只要喺外圍影相，已經足夠欣賞巨石陣嘅壯觀景色；除非真係好想近距離睇清楚石頭上嘅紋理啦 😆 我哋去到巨石陣時已經大約晚上 6:30，好彩係夏天，天色仲好光。 我哋沿住條路慢慢揸去外圍，見到附近已經泊咗好多露營車。相信有部分人真係嚟露營，但亦有部分人可能係以露營車為家，長期喺呢度生活。因為有啲車睇落已經泊咗好耐，好明顯係有人長住喺度。 Choco 一落車就即刻勁興奮！🐶💨佢好似一隻牛咁，拉住我哋不停向前跑，完全感受到佢對第一次旅行嘅熱情！🤣 我哋沿住旁邊嘅小路慢慢行入巨石陣。途中見到地上有幾個小圓圈，好奇之下我又問咗 AI。 原來喺好耐以前，呢啲位置曾經有樹生長。當樹倒下之後，地上留下咗樹坑，而考古學家可以透過坑內嘅泥土同其他資料，推測當時嘅環境。所以之後就喺原來嘅位置留下記號。… Continue reading
-
19｜小魚．大魚．海豚 🐬
上緊英文堂時，突然被級別主任老師叫咗出去。 原來係因為整體成績優異，獲得學校頒發獎勵。🏆 作為媽媽，真係好開心。 我一直記得幼稚園老師曾經同我講過一句說話： 「你想佢成為大海中嘅一條小魚，定係河塘中嘅一條大魚？」 而今日，你已成為一隻有方向、有目標、有能力面對大海嘅海豚。🐬 Jason 一直都好清楚自己嘅強項同弱項，所以會為自己定下目標。 原本佢話今個暑假唔溫書，點知 Mock 成績派咗之後，今日出發返香港前，自己靜靜拎咗幾本書放入書包，準備暑假溫習。 呢一刻，我知道唔需要我催促。 因為真正推動佢前進嘅，已經係佢自己。 祈願你喺 GCSE 考試發揮應有水準，考到自己期望嘅成績。 我知道，你唔單止想自己做好，仲想陪伴身邊嘅同學，一齊努力、一齊迎戰、一齊成長。 成績固然重要，但擁有自律、有目標，並願意陪伴別人一同前行嘅心，先係最珍貴嘅收穫。 媽媽永遠以你為榮。❤️ 19 | Small Fish. Big Fish. Dolphin. 🐬 During his English lesson today, Jason was suddenly called out of class by… Continue reading
-
18| Year 10 Mock Exams｜努力，比成績更重要
今天收到了 Jason 的 Year 10 Mock Exam 成績。 作為媽媽，我開心的不只是看到一個個漂亮的分數，而是看到這一年來他的努力、堅持和成長。 這次模擬考，他取得了 4 科 Grade 9，多個 Grade 8，所有科目的學習態度（Approach to Learning）都獲得 Excellent，全年出席率更達到 100%。這些成績固然令人鼓舞，但我更珍惜的是老師對他學習態度的肯定。 我一直相信，成績可以反映一個階段的努力，但真正決定一個人未來的，是他的品格、責任感，以及願意持續學習的態度。 過去幾年，我們經歷了不少人生上的改變。搬到英國、重新適應新的生活和教育制度，再面對家庭的轉變，每一步都不容易。能夠看到 Jason 一直保持善良、自律和積極，我比任何一張成績表都更加欣慰。 我亦十分感謝 Plantsbrook School 每一位老師的悉心教導和鼓勵，讓 Jason 在知識和品格上都不斷成長。 Year 10 已經完成，接下來就是最後一年 GCSE 的挑戰。希望他保持這份熱愛學習的心，勇敢迎接每一次挑戰，無論將來身在英國、美國，還是世界任何地方，都能成為一個善良、有責任感、願意幫助別人的人。 成績只是人生的一部分。 真正的成功，是每天都比昨天的自己進步一點點。 Jason，媽媽以你為榮。❤️📚 18|Year 10… Continue reading
-
17 | 瘋狂60天 60 Crazy Days
( 原文寫於2022年6月23日｜馬來西亞 ) 🤪🤪🤪 瘋狂60天 由決定移居英國，到真正踏足英國，一切竟然只用了短短60天。 現在回想起來，那60天，就像按下了人生的快轉鍵。 辦文件、收拾行李、安排船運、退租交屋、替 Choco 找人照顧、尋找英國住處、聯絡學校、準備各種大小事情…… 每天都有做不完的事。 期待與不安並存，興奮和疲累交錯。 每天一睜開眼，腦海裡已經是一長串待辦事項。 現在回頭看，那60天雖然忙得幾乎喘不過氣，卻也是人生中最勇敢、最難忘的一段旅程。 因為，就是那60天，把我們帶到了另一個人生階段。 有時候，人生最大的改變，真的只需要一個決定，和一點勇氣。🌿 17 | 60 Crazy Days Originally written on 23 June 2022 | Malaysia 🤪🤪🤪 60 Crazy Days From deciding to move to the UK… Continue reading
-
16 | 菜苗趣事 @ 一早食檸檬 Growing Up
( 原文寫於2023年5月15日 | 英國 ) 今朝一早，菜苗同我講： 「今日開始，你哋可以唔使送我返學同接我放學啦，我可以自己返學同放學。」 🥺🥺🥺 聽完嗰一刻，個心突然酸咗一下。 一直以來，每日接送返學放學，已經成為我哋生活嘅一部分。原來有一日，佢會自己開口同我講：「我可以自己嚟。」 雖然知道總有呢一日，但真正到咗呢一刻，仲係有啲唔捨得。 不過，做父母始終都要學識放手，畀佢一步一步成長。 呢兩年，真係見住佢改變得好快。 由以前樣樣都依賴我，到而家學識沖杯麵、自己去同學屋企、自己返學放學。 菜苗，真係慢慢由一棵小菜苗，變成一棵小樹啦。🌱🌳 唯一令我有啲唔習慣嘅，就係……把聲都沉晒，正式踏入青春期啦。😂🌻🌿 🌿 後記｜2026 三年前，我仲站喺屋企門口望住佢自己行去返學。 今日再回頭睇，已經覺得當日擔心太多了。 孩子成長，其實一直都比我們想像中更有能力。 每一次放手，都唔代表距離愈來愈遠；反而係因為相信佢，所以畀佢學識獨立。 而家回想，真正需要學習放手嘅，其實唔係孩子，而係父母。 不過，每一次放手，都係另一種愛。❤️ 16 | Jason’s Funny Stories @ Growing Up Originally written on 15 May 2023 | United… Continue reading
-
15 | 菜苗趣事 @ 狗仔係可愛呀 Dogs Are Cute
( 原文寫於2023年7月25日 | 英國 ) 🌱 菜苗語錄｜成長每事問 🌱 有一日，菜苗突然好認真咁問我： 👦🏻：「媽咪，如果比人話『狗』，即係咩意思呀？」 👩🏻：「通常即係話人好自私，又有啲奸詐囉。」 佢靜咗幾秒，諗一諗之後，好認真咁答： 👦🏻：「我覺得唔係喎！」 我問：「點解呀？」 👦🏻：「因為狗仔好可愛㗎嘛！我覺得佢係讚人可愛。」 嗰一刻，全屋人笑到反肚。 🤣🤣🤣🤣🤣🤣🤣🤣🤣🤣🤣 有時真係好佩服佢。 明明一句帶有負面意思嘅說話，去到佢個腦，竟然可以自動翻譯成善意。 或者，世界如果多幾個咁樣睇事情嘅人，都幾好。🌻🌿 14 | Jason’s Funny Stories | Dogs Are Cute! Originally written on 25 July 2023 · United Kingdom 🇬🇧 🌱… Continue reading
-
14 | 英國星期二 Tuesday Means KFC
( 原文寫於2022年8月16日 | 英國 ) 相信喺英國，逢星期二，好多家庭都會同我哋一樣——買個KFC返屋企慢慢嘆。點解偏偏係星期二？因為有 Tuesday Offer，£5.99 就有九件家鄉雞。今次仲好幸運，竟然係 5隻雞髀、4件雞胸，開心！😆不過，令我印象最深刻嘅，其實唔係啲雞。而係上次去倫敦旅行食KFC時發生嘅一件小事。 嗰日去完大英博物館，星期二當然第一時間搵附近KFC。食食下，隔離有位女仔拎住成盤食物返嚟。點知……💥 可樂倒瀉。💥 成杯可樂倒瀉。💥 全杯可樂直情倒晒落自己身上。點解要講三次？因為……佢當日著住條白色長褲。😱一瞬間，成條褲變咗乳牛花紋。連Jason（菜苗）見到都忍唔住話：「佢好慘呀……」見到個女仔呆咗一呆，唔知點算，我即刻拎咗包紙巾俾佢，又順手幫佢抹咗枱面啲可樂。佢一路抹，一路不停同我講：「Thank you! Thank you!」 之後Jason問我：「媽咪，點解你會幫佢？」我答佢：「如果倒瀉可樂嗰個係我，我都會好徬徨。」「如果係你倒瀉，我一定第一時間幫你清理。」「所以見到人有需要，幫到就幫，何樂而不為？」 來到英國生活之後，我哋曾經得到好多陌生人嘅幫助。今次，終於輪到我有機會幫返一位英國人。原來，人情味從來都唔分國籍。只要多一點同理心，一個好細微嘅舉動，都可以令陌生人喺狼狽嘅一刻，感受到一點溫暖。❤️🌿 14 | Tuesday Means KFC Originally written on 16 August 2022 | United Kingdom In the UK, Tuesday seems to be… Continue reading
-
13 | 菜苗趣事 @ 牛有窿嗰啲 The Beef with Holes
( 原文寫於2023年｜英國 ) 🌱 菜苗謎語題 👦🏻：「媽咪，我想食牛有窿嗰啲。」 🤔🤔🤔 牛有窿？ 咩牛？ 牛扒？牛筋？牛丸？ 我真係估極都估唔到…… 直到佢再補充一句…… 👦🏻：「Honeycomb 嗰啲呀！」 🤣🤣🤣🤣🤣 原來佢想講嘅係 Honeycomb Tripe（牛百葉／蜂巢牛肚）。 嗰一刻我終於明白，佢當時嘅中文程度去到邊…… 不過又不得不承認， 「牛有窿嗰啲」…… 形容得又真係好貼切！😂🌻🌿 12 | Jason’s Funny Moments @ The Beef with Holes ( Originally written in 2023 | UK )… Continue reading
-
12 | 菜苗趣事 @ 時間會證明一切 Time Will Tell
( 原文寫於2018年 | 香港 ) 從小到大，我都很重視教導Jason三件事： 誠實、守規則、不要為他人添麻煩。 這些都是我多年來在學會活動中學到的做人道理，也是我一直相信的人生基本原則。 誠實 做人若不誠實，就難以建立別人的信任。 沒有信任，人與人之間便容易產生距離，也難以建立真正的人際關係。 誠實，亦是一種反省。做錯了，就勇於承認；承認了，才能學會改進，真正做到「經一事，長一智」。 所以，我一直相信，誠實會影響一個人的一生。 守規則 孩子從小需要學習什麼可以做，什麼不可以做。 懂得是非對錯，也明白努力付出後，才會得到相對的成果。 就像在公園排隊玩滑梯，每個人都願意付出時間和耐性等待，所以輪到自己的時候，就能安心去玩。 相反，插隊的人，其實是搶走了別人的成果，漠視別人付出的時間、耐性和努力，也是不尊重他人的表現。 我亦一直教Jason，就算遇到衝突，也不要用暴力解決。 如果在學校被同學欺負，他可以找老師、找同學幫忙，但不要還手。因為一旦動手，事情只會變得更複雜。 若真的無法避免，也可以選擇遠離傷害，保護自己。 我希望他從小學懂規矩，將來成為一個守法、正直的人。 不要為他人添麻煩 每個人每天都有自己的事情需要處理。 如果我們多一點同理心，就會明白自己的行為，很多時候都會影響身邊的人。 例如上課時專心，不只是為了自己，也是尊重老師和同學。 如果故意搗亂，不單自己受罰，也會影響老師教學，甚至影響整班同學的學習。 真正的同理心，不只是嘴上說一句「我明白」。 而是願意把理解化成行動。 時間會證明一切 教育從來不是一天兩天就能看見成果。 曾經有人不認同我們的教養方式，也有人認為我們對孩子要求太多。 那時候，我也曾反覆問自己：「是不是我們真的做錯了？」 思考過後，我仍然相信，誠實、守規則、尊重別人，並沒有錯。 所以，我選擇不再爭辯。 我相信： 人在做，天在看。 很多事情，不需要急著證明自己。 時間，終究會慢慢給出答案。 共勉之。🌻🌿… Continue reading
-
11 | 感恩遇到這所學校 The Right School for Jason
HELP International School ( 原文寫於2021年6月15日｜馬來西亞 ) 係人都知，菜苗最怕普通話。 佢細個連普通話卡通都冇興趣睇，而家嚟到馬來西亞讀書，點都避唔開要學華語（普通話）。 之前已經有朋友同我講過，馬來西亞學校嘅華語程度同香港有少少唔同。例如呢邊五年級嘅程度，大約相等於香港二年級左右。 聽落好似輕鬆咗，但我哋都唔敢抱太大期望。 畢竟，佢連中文本身都唔太鍾意學。 所以我哋一直都只係鼓勵佢：「盡力就好啦。」 😂😂😂 前幾日同佢傾開學校趣事，佢突然同我講： 「我而家開始覺得華語好少少啦！」 我即刻精神一振。 咦？呢個係重大發現喎！ 原來老師上華語堂時，係用英文加華語去教，而唔係全程華語教華語。 聽完之後，我真係好感恩遇到呢間學校。 我同菜苗講： 「咁咪好囉！終於搵到適合你嘅方法啦，咁就盡力去學習啦！」 菜苗爸聽到之後都忍唔住話： 「其實同我當年學日文一樣啫。老師係用廣東話加日文去教，唔係日文加日文教㗎嘛。」 「如果一開始全部都係日文，點會聽得明？」 諗落又真係有道理喎。 🤣🤣🤣 雖然因為疫情關係，學校一路維持網課直到暑假，但菜苗每日都上得好投入。 每逢小息，佢就會衝落樓搵零食。 夠鐘之後，又會自己走返上樓上堂。 功課唔使催，自己會做。 原來學校嘅功課除咗評估學習進度之外，仲會為自己所屬嘅 House 爭取分數，令學生更投入校園生活。 呢個設計，我覺得幾有心思。 最近我哋仲將佢嘅書枱搬咗去二樓客廳。 因為佢始終唔慣一個人一間房，夜晚成日又走過嚟同我哋一齊瞓。 😂😂😂 所以最後決定重新安排書枱位置，方便佢自由出入。 結果搬出客廳之後，效果出奇地好。 今日上堂時，佢笑到好大聲。… Continue reading
