🌻 菜苗趣事｜Jason’s Funny Stories
-
16 | 菜苗趣事 @ 一早食檸檬 Growing Up
( 原文寫於2023年5月15日 | 英國 ) 今朝一早，菜苗同我講： 「今日開始，你哋可以唔使送我返學同接我放學啦，我可以自己返學同放學。」 🥺🥺🥺 聽完嗰一刻，個心突然酸咗一下。 一直以來，每日接送返學放學，已經成為我哋生活嘅一部分。原來有一日，佢會自己開口同我講：「我可以自己嚟。」 雖然知道總有呢一日，但真正到咗呢一刻，仲係有啲唔捨得。 不過，做父母始終都要學識放手，畀佢一步一步成長。 呢兩年，真係見住佢改變得好快。 由以前樣樣都依賴我，到而家學識沖杯麵、自己去同學屋企、自己返學放學。 菜苗，真係慢慢由一棵小菜苗，變成一棵小樹啦。🌱🌳 唯一令我有啲唔習慣嘅，就係……把聲都沉晒，正式踏入青春期啦。😂🌻🌿 🌿 後記｜2026 三年前，我仲站喺屋企門口望住佢自己行去返學。 今日再回頭睇，已經覺得當日擔心太多了。 孩子成長，其實一直都比我們想像中更有能力。 每一次放手，都唔代表距離愈來愈遠；反而係因為相信佢，所以畀佢學識獨立。 而家回想，真正需要學習放手嘅，其實唔係孩子，而係父母。 不過，每一次放手，都係另一種愛。❤️ 16 | Jason’s Funny Stories @ Growing Up Originally written on 15 May 2023 | United… Continue reading
-
15 | 菜苗趣事 @ 狗仔係可愛呀 Dogs Are Cute
( 原文寫於2023年7月25日 | 英國 ) 🌱 菜苗語錄｜成長每事問 🌱 有一日，菜苗突然好認真咁問我： 👦🏻：「媽咪，如果比人話『狗』，即係咩意思呀？」 👩🏻：「通常即係話人好自私，又有啲奸詐囉。」 佢靜咗幾秒，諗一諗之後，好認真咁答： 👦🏻：「我覺得唔係喎！」 我問：「點解呀？」 👦🏻：「因為狗仔好可愛㗎嘛！我覺得佢係讚人可愛。」 嗰一刻，全屋人笑到反肚。 🤣🤣🤣🤣🤣🤣🤣🤣🤣🤣🤣 有時真係好佩服佢。 明明一句帶有負面意思嘅說話，去到佢個腦，竟然可以自動翻譯成善意。 或者，世界如果多幾個咁樣睇事情嘅人，都幾好。🌻🌿 14 | Jason’s Funny Stories | Dogs Are Cute! Originally written on 25 July 2023 · United Kingdom 🇬🇧 🌱… Continue reading
-
13 | 菜苗趣事 @ 牛有窿嗰啲 The Beef with Holes
( 原文寫於2023年｜英國 ) 🌱 菜苗謎語題 👦🏻：「媽咪，我想食牛有窿嗰啲。」 🤔🤔🤔 牛有窿？ 咩牛？ 牛扒？牛筋？牛丸？ 我真係估極都估唔到…… 直到佢再補充一句…… 👦🏻：「Honeycomb 嗰啲呀！」 🤣🤣🤣🤣🤣 原來佢想講嘅係 Honeycomb Tripe（牛百葉／蜂巢牛肚）。 嗰一刻我終於明白，佢當時嘅中文程度去到邊…… 不過又不得不承認， 「牛有窿嗰啲」…… 形容得又真係好貼切！😂🌻🌿 12 | Jason’s Funny Moments @ The Beef with Holes ( Originally written in 2023 | UK )… Continue reading
-
09 | 菜苗趣事 @ 抽唔中 Celebrating Before the Draw
( 原文寫於2018年5月25日 | 香港 ) 有一晚，菜苗好開心咁同婆婆講： 菜：「婆婆！今年學校暑期活動我抽唔中田徑呀！」 婆：「哦？咁你點知抽唔中呀？」 菜（滿臉笑容）：「因為到而家都未收到通知囉！」 跟住仲拍手歡呼：👏🏻👏🏻👏🏻👏🏻 「咁即係唔使跑啦！」 婆婆聽完只係「哦～」咗一聲。 🎈問題係…… 學校根本仲未派暑期活動報名表。 即係連報名都未開始，更加未抽籤， 而菜苗已經自行宣布： 🏆 成功落選田徑隊。 🤣🤣🤣🤣 佢由細到大都對運動有自己一套獨特理解。 別人參加比賽想攞第一，佢就希望連起跑線都唔使企。 其實運動真係對身體好㗎…… 不過對菜苗嚟講， 唔使跑可能對心情更加好。 😂 Jason’s Funny Moments (120) | Celebrating Before the Draw Written on May 25, 2018 ·… Continue reading
-
08 | 菜苗趣事 @ 運動會 Sports Day
( 原文寫於2018年10月5日 | 香港 ) 小學一年一度的運動會又到了。自小運動細胞近乎零的菜苗，原來對運動會有另一番體會。 👩 媽：今日比賽跑第幾呀？ 👦 菜：跑第尾，因為唔想再跑第二次。 👩 媽：車～咩理論啊～😂😂😂😂 👦 菜：唔想再落去跑呀，因為你比咗好多小食我，我想坐喺看台上面食嘢。 👩 媽：唔係嘛～～～ 👦 菜：我又唔鍾意運動，我已經跑第尾，唔使再跑，又可以坐喺上面，仲有一大袋嘢食，都唔知幾開心呀！ 聽完佢呢番理論，我竟然一時間無言以對。 對其他同學嚟講，運動會可能係爭取獎牌、爭取名次嘅日子；但對菜苗嚟講，重點似乎係—— 成功取得看台最佳觀賽位置，以及享受媽咪準備嘅零食。 🤣 08 | Jason’s Funny Stories | Sports Day Written on October 5, 2018 · Hong Kong It was… Continue reading
-
07 | 菜苗趣事 @ 認真 Taking It Seriously
( 原文寫於2018年7月5日 | 香港 ) 前排買咗件新衫，設計幾特別，因為兩邊膊頭唔同款，一邊有少少「破爛風」設計，穿起來幾有個性。 有一日送菜苗返學，佢望住我件衫好耐，突然好認真咁問：「媽咪，點解你件衫有一邊爛咗嘅？」 我即刻一本正經咁答：「啊～係呀～Daddy 撕爛咗媽咪件衫囉～」 菜苗一聽到，二話不說即刻轉頭望住 Daddy。嗰個眼神非常唔友善。然後仲叉住腰，「JEEP」咗一聲表示不滿。我同 Daddy 當場差啲忍唔住笑出聲。 見佢咁認真，我最後都係講番真話：「其實唔係 Daddy 整㗎，件衫買返嚟本身就係咁設計。」 菜苗聽完之後，先終於鬆一口氣，好似放下心頭大石咁。原來喺佢心目中，Daddy 點可以欺負媽咪㗎。 真係可愛到不得了，笑死我哋兩個大人。❤️🌿 07 | Jason Stories @ Taking It Seriously Originally written on July 5, 2018 · Hong Kong A while ago, I… Continue reading
